DALAGUETE, CEBU-Nasikop ang anaa sa Regional Target List sa Philippine Drug Enforcement Agency 7 atol sa gipahigayon nga buy bust operation uban sa Cebu Provincial Intelligence Unit sa Cebu Police Provincial Office sa Barangay Balud lungsod sa Dalaguete.
Giila ang suspetsado nga si Janine Heredia 31-anyos, nga nag puyo sa naasoy lugar.
Ingon man nga nakuha sa mga operatiba ang pito ka pakete sa gituohang shabu nga motimbang sa 20 grams nga adunay kantidad nga P136,000 lakip na ang buy bust money, cellphone ug ang motorsiklo nga gigamit.
Nadiskober usab ang usa ka kalibre 45 nga pistola ug pito ka mga bala niini.
Matud ni Leia Alcantara ang tigpamaba sa PDEA 7 nga duha ka buwan nga gipaubos sa case build up ang suspetsado human nakadawat ang ilang ahenysa sa impormasyon kalabot sa illegal nga kalihukan niini.
Diin giingong maka baligya kini og 50 ngadto sa 100 gramos nga shabu matag semana diin ang iyang area mao ang tibuok lungsod sa Dalaguete ug kasikbit nga mga lungsod.
Ang maong dinakpan, mag-atubang sa duha ka kaso diin mao ang kalapasan sa Section 5 ug 11 section II RA 9165 ug illegal possession of firearms sa RA 10591.
