CENTRAL VISAYAS-Giawhag sa Regional Tripartite Wages and Productivity Board Region-7 ang mga employer nga tumanon ang bag-ong minimum wage earners nga ipatuman karong Oktubre 1 ning tuiga.
Kung gani, dili mapatuman sa kompanya ang usbaw sa suholan, kay ang mga apektadong empleyado mamahimong mag-email o moreklamo sa buhatan sa DOLE 7 aron tawagon ang atensyon sa employer.
Pagpasabot usab ni Atty. Evita Mendoza- Balane, ang Board Secretary sa Regional Tripartite Wages and Productivity Board Region -7 nga adunay duha ka kategoriya nga dili motuman sa bag-ong wage order:
Una, mao ang retail ug service establishments nga dili moabot sa 10 ka trabahante ug; ikaduha, mga establisemento nga naapektuhan sa natural nga mga katalagman ug human-induced disasters.
Ingon man ang mga gustong mangayo og exemption sa wage order kay kinahanglang mosumiter sa gipangayong mga dokumento sa RTWPB-7 diin taman na lang sa Nobyembre 30 ning tuiga.
Sa laing bahin, dakong insulto ang gipahibalo nga umento sa suholan sa Central Visayas nga P33 nga giluwatan sa buhatan sa Regional Tripartite Wages and Productivity Board 7 nga gilangkuban sa nagkadaiyang buhatan sa gobyerno nga gipangulohan sa DOLE 7 tungod sa padayong pagsaka sa presyo sa mga panaliton.
Mao kini ang gipadayag sa Labor group sa Sugbo diin dugang niyang gipasabot igo lang sa pagdungog ang gihimo sa RTWPB-7 ug dili motuo sa tinuod nga kahimtang, ingon man nga mas midapig pa hinuon sa mga dagkong kompanya nga giingong mao’y naka-ingon nga nagkalisod ang katawhan sa Central Visayas.
