CEBU CITY-Gipahibalo ni Land Transporation Office (LTO-7) Regional Director Victor Caindec nga karong gipaubos na sa GCQ ang dakabayan sa Sugbo, mitugot ang national office nga lugwayan ang mga nanag-iya og sakyanan og motor nga mi-expire na ang licensya ug ang boot muparehistro.
Apan gihimug-atan ni Caindec nga duna kini mga kondisyon depende usab sa status sa quarantine sa area kung asa nagpuyo ang boot murenew o magparehistro.
Gipasabot ni Caindec nga kadtong mga adunay licensya nga mu-expire na karong Hulyo, lugwayan kini hangtud Agosto, ug ang mu-exxpire sa Agosto lugwayan kini hangtud sa Setyembre ug ang Setyembre lugwayan hangtud Nobyembre depende sa gihapon sa kahimtang sa usa ka lugar.
Samtang, gipahibalo usab sa director nga karon nga abli na ang ilang buhatan ila gihapon nga gisunod ang social distancing sulod sa opisina aron dili magtapok hayan, sigurado gyud nga dili ma-accomodate ang tanan.
Aduna usab drive thru ang LTO-7 nga matud pa sa director dali nga paagi, apan kung duna lang matud pay taas nga pasensya ang driver nga muhuwat sanglit dili naman kini mugawas pa sa iyang sakyanan ug maghuwat lang nga mahuman ang proseso sa iyang papeles human matunol.
Apan gitino usab niini nga magdepende sa gihapon kini sa internet connection sanglit kung muhinay og kalit ang connection, muhinay usab ang dagan sa proseso sa mga dokumentong gikinahanglan. | Via Bombo Mich Dialogo
