CEBU – Giklaro sa Department of Agriculture 7 nga wala pa makadawat ang ahensya ug bag-ong guidelines sa pagpasulod ug mga poultry products sa rehiyon ilabi na sa Sugbo.
Gipahibalo ni Dr. John Jammael Patagoc, ang DA 7 Focal person on Avian Influenza/Bird Flu, nga hangtud karun wala man sila’y natala nga kaso sa Avian Influenza o Bird Flu sa rehiyon ug nagpadayon sa gihapon ang pag-ban sa mga poultry products nga gikan sa mga lugar nga apektado sa AI.
Matud pa, kung aduna man gani musulod, gikinahanglan sa gihapon nga ipaubos sa mga shipper ang ilahang mga produkto sa usa ka pagsusi ug disinfection.
Bisan pa man sa ka-istrikto sa guidelines sa Sugbo, gisiguro sa DA 7 nga wala magkuwang ug supply sa manok gumikan kay adunay daghang broiler farm dinhi sa rehiyon.
