Gigamit na karon sa Philippine Coast Guard ang remotely operated vehicle (ROV) sa pagpangita sa patayng lawas sa usa ka missing sabungero nga gituohang gilabay sa Taal Lake sa probinsiya sa Batangas.
Matod sa tigpamaba sa PCG nga si Kapitan Noemie Guirao-Cayabyab, ang deployment sa mga ROV gituyo aron matabangan ug mapadali ang search and retrieval operations nga ilang gihimo.
Gipasabot sa opisyal nga ang ROV adunay mga suga ug camera nga gigamit sa pagpangita sa lawom nga bahin sa Taal Lake.
Makatabang usab kini sa pag-alsa sa mga butang nga motimbang hangtod sa napulo ka kilo ug mahimong magpabilin sa ilawom sa tubig sulod sa upat ka oras.
Ingun niya, mas taas kini nga panahon kung itandi sa mga technical divers nga makapabilin lang sa ilawom sa tubig hangtod sa 1.5 ka oras.
Gipasalig sa PCG nga mainampingon ang ilang pagpahigayon sa operasyon.
Kini igo og hatag abag sa upat na ka tuig sukad gikataho nga nawala ang 34 ka sabungero, nanghinaot ang ilang mga pamilya nga mahatagan na og hustisya ang ilang pagkawala sa tabang sa impormasyon nga gipaambit ni whistleblower Julie Patidongan o Alyas Totoy.
