Remulla, gitawag nga ‘fake news’ ang balita nga siya naospital

Gibuak ni Ombudsman Jesus Crispin Remulla ang iyang kahilom bahin sa giingong pagka-ospital niya ug gihimakak nga siya gidala sa ospital aron makakuha og medikal nga pag-atiman.

Gitawag ni Ombudsman Remulla nga kining balitaa usa ka ‘fake news’.

Una na usab nga gihimakak sa Office of the Ombudsman pinaagi ni Assistant Ombudsman Mico Clavano nga anaa sa tambalanan si Remulla.

Sa sayo pa, si Interior Secretary Jonvic Remulla miingon usab nga ang iyang magulang nga lalaki nagdula og golf niadtong Biyernes sa buntag ug gikatakda nga mag-uban sila og pamahaw karung adlawa Sabado.

Kahinumduman nga nikatap ang balita niadtong Biyernes, Enero 2 nga si Remulla giingong gidala dayon sa ospital.