Gikuwestiyon ni House prosecutor Atty. Terry Ridon ang kinatibuk-ang pagsupak nga gipadayag sa grupo sa mga abogado ni Bise Presidente Sara Duterte batok sa tanang documentary evidence nga gipresentar sa prosekusyon sa Kamara may kalabotan sa mga alegasyon mahitungod sa bahandi nga dili mapasabot ang gigikanan.
Matod ni Ridon, gisupak sa depensa—lakip sa uban pang mga butang—ang tanang Statements of Assets, Liabilities, and Net Worth (SALNs), mga rekord sa bangko, mga insurance documents, ingon man ang mga rekord gikan sa Bureau of Internal Revenue (BIR) ug sa Anti-Money Laundering Council (AMLC).
Gikanayon ni Ridon nga makalibog ang maong kinatibuk-ang pagsupak sa depensa, ilabi na nga ang mga abogado mismo ni Bise Presidente Sara Duterte miapil sa mga proseso ug nag-cross-examine sa mga saksi nga nagpamatuod sa katinuod niining mga dokumento.
Nagpahayag og pagsalig ang magbabalaod nga dili dawaton sa Senate Impeachment Court ang pagsupak sa depensa batok sa mga ebidensya.
Anaa na usab sa mga senador-judge ang pagdesisyon kung unsang mga dokumento ang dawaton isip ebidensya sa kaso.
Gilauamn nga ang impeachment trial magpadayon pag-usab karong Nobyembre 9, diin ang prosekusyon andam na nga mo-cross-examine sa bisan unsang mga saksi nga ipresentar sa depensa.
