Resolution ihikay aron himoung holiday ang Pebrero 25

Gikatakdang mopasaka og balaodnon ang Akbayan party-list aron ideklarar ang pagsaulog sa EDSA People Power Revolution sa Pebrero 25 nga usa ka non-working holiday.

Sumala ni Akbayan Partylist Representatives Perci Cendana, ilang ipasaka ang balaodnon sa Martes.

Dugang niini nga ang balaodnon nag-ingon nga bisan kinsang presidente ang molingkod sa pwesto, importante nga ideklarar ang EDSA Revolution nga usa ka non-working holiday.

Kahinumduman nga niadtong 2023, gitangtang ni Presidente Ferdinand Marcos Jr. ang EDSA people Power isip usa ka public holiday tungod kay kini matud pa ang panahon nga gipalagpot sa pwesto ang iyang amahan, si kanhi Presidente Ferdinand Marcos Sr.