Responsable sa pagpataka ug labay sa mga ginamit nga syringe sa vaccination site sa South District, gipa imbestigaran sa CCHO

CEBU – Gihimug-atan ni Cebu City Councilor Dave Tumulak nga kuyaw nga sitwasyon ang nahitabo diin adunay nakita nga mga syringes nga matud pa ginamit na sa pagbakuna ug nakita sa basurahan nga nasagol sa ubang dispoables sa vaccination site sa South District.

Matud ni Tumulak nga adunay proper prcedure sa paglabay sa mga susamang gamit, gani usa lang ka kompanya ang gitahasan sa Department of Health (DoH) nga mao ang mokolekta sa mga susamang basura sa dakbayan ug sa mga hospital.

Segun sa opisyal nga angayang sayron ang responsable niini ingon man ang pag imbestigar pa sa maong sitwasyon.

Ning kasamtangan padayon na nga gisuta sa Cebu City Health Department ang maong panghitabo diin una na kining gihulagway nga “isolated case”.