CEBU CITY-Gipanglantawan karon sa lokal nga kagamhanan sa dakbayan sa Sugbo ang ilang mahatag nga financial assistance ngadto sa Isla sa Negros nga naapektuhan sa pagbuto sa Bulkang Kanlaon.
Sa pakighinabi sa Bombo Radyo Cebu Newsteam kang Joel Garganera Cebu City Councilor gipaambit niini nga nakig-alayon ang buhaton sa Cebu City Disaster Risk Reduction and Management Office sa mga response team ngadto sa Canlaon apan, gipa-hold lang usa kini sa rason nga kaya pa nila ingon man nga nipadayag sila og pasalamat sa gi-offer sa dakbayan.
Apan, kon kinahanglan na sa naasoy nga dapit og tabang naka-standby ang mga Response Team nga ilang ipadala arun sa pag-abag sa mga residente nga gipabakwit.
Sa pikas bahin, gihisgutan usab sa konsehal ang ilang gihimo nga pagpangandam sa La Niña nunot sa pag-anunsyo sa PAG-ASA nga nahuman na ang El Niño.
Matud niini nga subay sa ilang pagpangandam, pipila ka mga kasapaan sa barangay ang ilang gitutukan sa paglimpyo ning wala pa nagsagunson ang uwan.
