UNITED KINGDOM — Aksidenteng na-serve sa usa ka management trainee ang usa ka botelya sa bino nga mikatidad og $5,000 ngadto sa grupo sa mga negosyante sa usa ka mahalon nga kan-anan sa Manchester.
Kini bisan pa man og mi-order ang 3 ka negosyante og baratohon nga bino nga mikantidad og $290 aron paresan ang ilang gi-order nga pagkaon.
Nasayran nga mibisita ang usa ka management trainee gikan sa laing store ug siya mismo ang nag-serve sa maong mahalon nga bino.
Nagkanayon ang social media post sa maong restawran nga pareho lang halos ang porma sa $290 (o P15,000) nga wine bottle itandi sa $5,000 (P260,000) nga binong giinom sa mga customer.
Nanghinaut usab ang pamunuan sa restawran nga natagamtaman unta sa mga negosyante ang kalami sa maong mahalon nga bino.
Dugang pa sa maong post nga dili gayud malikayan nga masipyat ang mga empleyado sa paghatag og order ngadto sa mga customer.
Midepensa ang co-founder sa restawran nga si Will Beckett, nga nabusy lang ang tanang mga trabahante hinungdan nga nasipyat ang trainee sa paghatag og bino ngadto sa mga customer.
Matud ni Beckette nga nauwaw pag-ayo ang trainee sa iyang nabuhat apan wala kini pahamtanga og silot.
Nanghinaut si Beckett nga dili na usbon sa tanang staff ang maong pagkasipyat.
