CEBU CITYPatay ang usa ka retiradong pulis nga karon usa ka taxi driver human nga kini misikol sa diha nga gitulis sa 5th street Happy Valley Brgy Guadalupe ning dakbayan sa Sugbo kagabie.
Ang biktima giila nga si Jose M. Sering Jr. 56 anyos ug residente sa Pajac Lapu-Lapu City.Nakaangkon ug samad pinusilan sa iyang ulo ug tiyan biktima.Matud ni PO3 Joffrey Gutual imbestigador sa Homicide Section nga adunay indikasyon nga nisukol ang biktima gumikan sa samad nga naangkon niini sa iyang lawas. Nadala ang wala pa matino nga kantidad sa salapi nga giingong kinitaan sa iyang pagpamasada.
Nasayran nga daghan na ang nabiktima sa pagpanulis sa maong dapit.Niadtong dominggo lang adunay usa ka driver sa taxi ang gitulis.Sa pagkakaron padayon pagpahigayon sa Sa imbestigasyon sa mga pulis aron masuta ang identity sa suspek ug madakpan kini.
