CEBU CITY-Gikatahong mas mohuot ang dagan sa trapiko sa umaabot nga semana gumikan nga sirad-an ang dalan nunot sa nagpadayon nga pagtukod sa bus station sa BUS RAPID TRANSIT (BRT) project.
Matud pa sa CCTO Assistant Department Head, Atty. Kent Francesco Jongoy, Sirad-an ang dalan sa N. Bacalso gikan sa eskina Leon Kilat pa-ingon sa exit sa Cebu South bus terminal, ug sa amihanan nga bahin sa Cebu Provincial Capitol magsugod sa eskina sa N. Escario padung sa Don Jose Abella St., diin mahimutang ang Capitol bus station.
Dugang pa nga walay maagian ang mga sakyanan sa inner lane sa north ug south bound hilabi na nga nagkaduol na ang pagsugod sa pagsirado sa naasoy nga dalan.
Gibutyag ni Jongoy nga proyekto mokabat og duwa ka buwan ang pagtukod sa mga estasyon sa bus.
Ug gipanglantawan nga ablihan kini sa umaabot nga Setyembre 24 ning tuiga.
Samtang ikalipay sa mga byahero nga mo-agi sa Osemeña Boulevard tungod ablihan og pagbalik ang duha ka lanes human sa pito ka buwan nga pagtrabaho sa naasoy nga dalan.
Isip hulip sa dalan nga gipangsirad-an adunay mahitabo nga panagtipon diin hisgutan ang mga parallel routes alang sa bag-ong rota nga agihan sa mga PUJs ug jeepney drivers nga apektado sa road closure.
Adunay pagahimuon nga suspension sa pay parking apan dili tangtangon nga adunay access sa mga public utility vehicles labi na nga padayun ang klase sa mga tunghaan.
Subay niini, nanghinaot si Jongoy nga mosakripisyo gamay ang mga katawhan gumikan nga alang kini sa ilahang kaayohan.
Gibutyag ni Jongoy nga mahuman ang Cebu Bus Transit karung tuiga ug saligan nga ang CCTO kanunay nagpanlantawan sa traffic management alang sa mga commuters.
Paga-atangan sa publiko ang ipangpakatap nga mga advisory sa CCTO alang sa mga available diversion routes ug sa mga road closure nga mahitabo.
