Nakaangkon og anterior cruciate ligament (ACL) injury ang shooter sa Houston Rockets nga si Fred VanVleet samtang anaa sa tunga-tunga sa pagbansay-bansay didto sa Bahamas, alang sa ilang minicamp, pipila ka semana sa dili pa magsugod ang 2025-2026 NBA season.
Ang NBA insiders nitaho nga ang NBA champion mopailawom sa operasyon karong semanaha, sa higayon nga mobalik na siya sa US, ug walay kasiguradohan nga makaduwa og dugay tungod sa pagkaangol. Apan, ang posibilidad nga makabalik siya sa wala pa matapos ang panahon sa 2026 wala gihapon isalikway.
Ang Houston Rockets guard nisalmot sa duha ka mga season ang nilabay, diin siya nag-average og 14.1 points matag duwa ug 5.6 assists matag duwa.
Usa siya sa nag-unang 3-point players sa team, ug sa niaging season nakahimo siya og tulo ka tres matag duwa, gikan sa 7.7 3-point shots nga iyang gisuwayan.
