PROVINCE OF CEBU-Human sa tulo ka tuig nga pagpahuway tungod sa coronavirus disease (Covid-19) pandemic, ang Rosquillos Festival sa lungsod sa Liloan sa amihanang Sugbo mobalik karong Mayo 27, 2023 diin labing menos 14 ka barangay ang mosalmot sa street dancing competition.
Karong tuiga ang ika-176 nga kasaulogan sa fiesta sa lungsod.
Nagkanayun si Russel Cañete, executive assistant ni Liloan Mayor Alfredo Frasco, nga ilang gipaabot nga mas daghan pa ang mosaksi sa mga kalihukan sa fiesta karong tuiga.
Matod niya nga ang mga aktibidad nagsugod niadtong Mayo 20 ug molungtad hangtod Mayo 30, 2023.
Kini naglakip sa opening salvo, fun walk, Rosquillos Festival Street Dancing, ug ang Reyna sa Liloan, ug uban pa.
Dugang pa, nga ilang giimbitar ang pipila ka personalidad, sama nila ni Department of Tourism (DOT) Secretary Christina Frasco, iyang bana nga si Deputy Speaker Duke Frasco, ug pipila ka mga opisyal sa silingang lungsod sa Consolacion.
Apan, wala pa’y kompirmasyon sa pagtambong gikan sa bisan kinsa sa kini nga mga opisyal.
Sa pikas bahin, nihangyu ang hepe sa kapulisan sa Liloan Police Station sa katawhan sa liloan sa pagmintinar sa Peace and Order sa naasoyng Lugar, atul sa pag Celebrar sa ilahang kapistahan.
Gitino ni Police Major Eric Ginguyon nga naghimo na sila og mga serye sa mga miting alang sa katapusang pagpangandam sa festival, lakip ang security augmentation.
