Masaligon si Senate Majority Leader Francis Tolentino nga mas dako ang kahigayonan nga maaprobahan sa Senado ang sugyot nga ibalik ang Mandatory ROTC sa mga kolehiyo.
Kini tungod kay matud niya nga nihatag na og go signal si Presidente Ferdinand R. Marcos Jr. sa pagpadali sa paghisgot sa sugyot, human sa pagpasabot kaniya sa katuyoan niini.
Matod ni Tolentino, nagpasabot kini nga sugdan na usab ang deliberasyon sa proposal sa plenaryo sa Senado human sa usa ka buwan nga break sa Kongreso.
Ingon man nga husayon na lang sa mga senador mao ang probisyon kon usa o duha ka tuig na ang programa.
Diin kon gani maaprobahan na kini, ang unang tuig niini kay ipokus sa basic course, samtang advanced training sa ikaduhang tuig.
Alang sa mga kadete nga gustong mopadayon sa pagbansay-bansay, makahatag usab sila og Executive ROTC curriculum.
Kini nga sugyot giaprobahan na sa Kamara samtang sa Senado anaa na kini sa period of interpellation.
