Russia, wala mahadlok sa hulga ni Trump kabahin sa ceasefire

Wala mahadlok ang Russia sa hulga ni US President Donald Trump sa pagtuman sa ceasefire deal sa Ukraine.

Atol sa iyang pagbisita sa Scotland, si Trump niingon nga ang Russia gikinahanglan nga mouyon sa gisugyot sa US nga ceasefire sulod sa 10 ka adlaw.

Gipamub-an ang hulga gikan sa niaging 50 ka adlaw nga gihatag sa Russia ug nga kung dili sila mouyon, magpahamtang sila og bug-at nga taripa.

Ang Russia, sa laing bahin, niinsistir nga hangtod matuman ang ilang mga kondisyon, dili sila motubag sa deadline nga gihisgutan ni Trump.

Kahinumduman nga makapila na ka higayon nga nag-estorya ang duha ka habig apan pabilin gihapon kining wala katin-awan.