Mibisita sa Sugbo ang Russian Ambassador to the Philippines nga si Marat Ignatyevich Pavlov kagahapong adlawa sa Lunes, Hulyo 21, 2025.
Diin, gi-courtesy call niini ang Cebu Provincial Capitol ug ang Cebu City Hall uban sa iyang delegasyon sa pag-explore sa dugang paagi nga mapalambo ang cooperasyon sa Sugbo ug nasud nga Russia.
Lakip sa Russian delegation kay sila Honorary Consul Armi Garcia diin gihisgutan nilang ang mga partnership opportunities sa pamatigayon, turismo, ug cultural exchange.
Sa dakbayan sa Sugbo, gi-abi-abi kini nilang Cebu City Mayor Nestor Archival, City Councilor Winston Pepito ug ubang mga opisyales sa kagamhanang dakbayan.
Gani giimbitar pa si Mayor Archival sa pagtambong sa “Urban Future” global event sa umaabot Septiyembre nga nakatutok sa Artificial Intelligence ug Robotics sa pagpalambo sa modern urban living.
Samtang sa Kapitolyo, gisugat sila ni Cebu Gov. Pamela “Pam” Baricautro, Provincial Administrator Ace Durano ug uban pa.
Gipasiugda ni Ambassador Pavlov ang umaabot ika-50 nga anibersaryo sa diplomatikanhong relasyon sa Russia ug Pilipinas sunod tuig 2026 sa malungtarong panag-uban sa duha ka nasod.
Gani si Gov. Baricuatro kay mipadayag sa kaabli sa Sugbo sa mga pamuhunan sa Russia partikular na sa imprastruktura, renewable energy, turismo, ug uban pa.
