CEBU – Mahimong saging lang kini kung paminawon apan gipakita sa bag-ong panukiduki nga ang pagkaon niini puno sa potassium nga makapauswag sa kahimsog sa kasingkasing.
Ang mga avocado ug salmon nga taas usab og potassium, makatabang sa pagsumpo sa negatibong epekto sa asin ilabi na sa diet ug pagpaubos sa presyon sa dugo.
Ang ubang mga pagkaon nga puno sa potassium naglakip sa nagkadaiyang mga utanon, prutas, nuts, beans, dairy products ug isda.
Gibutyag ni Dr. Liffert Vogt, usa ka propesor sa clinical nephrology ug renal physiology sa Amsterdam University Medical Centers sa Netherlands, nga taas kaayo ang pagsumo sa katawhan sa asin sa nalangkit sa taas nga presyon sa dugo ug usa ka pagtaas sa risgo sa heart attacks ug stroke.
Hinungdan, nga nakatutok ang tambag sa mga health experts sa paglimita sa pagkaon og asin diin anaa ang potassium nga makatabang sa pagpagawas sa dugang nga sodium pinaagi sa ihi ug nakaplagan sa ilahang pagtuon nga nalambigit sa pinakadakong kaayohan sa panglawas sa kababayen-an ang ang dietary potassium.
