CEBU – Usa sa kasagaran nga tima-ilhan o sintomas sa endometriosis, ang sakit sa pus-on nga sagad masinati panahan sa regla.
Gihulagway ang endometriosis nga incurable inflammatory condition o walay kaayuhan nga sakit nga posibleng mahimong hinungdan sa pagkabaog sa usa ka babaye o infertility.
Nakita nga 10% sa kababayen-an ang adunay susamang sakit diin ang tissue nga sagad nakahan-ay sa uterus motubo sa gawas ug mokaylap pa sa ubang bahin sama sa fallopian tubes, ovaries ug pelvis.
Sumala pa ni Dr. Kristin Riley, interim chief sa Division of Minimally Invasive Gynecologic Surgery sa Penn State Health Milton S. Hershey Medical Center sa Hershey, Pennsylvania nga sagad sa sintomas sa endometriosis mao ang sakit nga pagregla.
Buot pasabot niini ang sakit nga masinati nga dili dayon madala sa tambal diin sagad kini nga masinati , sa wala, anaa na o human sa pagregla.
Apan gitino ni Riley, nga adunay pipila sa kababayen-an ang makasinati sa sakit atol sa ovulation o inercourse samtang ang uban sa pagpapagawas sa hugaw.
Aron makakuha og kompirmadong diagnosis sa maong sakit , nagkinahanglan ang usa ka babaye og 7 sa 10 nga average gumikan wala pay noninvasive nga pagsulay sa endometriosis.
Gi-angkon usab nini nga gisukayan na nila ang MRI o ultrasound apan mogawsa sa maong resulta nga ang mga pasyente nga adunay endometriosis sagad adunay normal pelvic imaging.
Hinuon, giklaro ni Riley nga ang pagtambal magsugod kung makompirmar na nga adunay endometriosis.
