CEBU CITY-Nakahipos og mga nagtipun-og nga mga basura ang pipila ka mga volunteers sa Sitio Mahayahay, Barangay Pasil ning dakbayan sa Sugbo niadtong Sabado Hulyo 13, 2024.
Ang gilimpyohang dapit mao ang baba-an sa suba sa Guadalupe river sa naasoy nga barangay diin dugay na kining problema sa mga residente sa lugar.
Nagtimbayayong ang mga sakop sa Coastline Management Board, Sugbo Bike Lanes Board, Task Force: Gubat sa Baha, Department of Engineering and Public Works (DEPW), International NGO nga “Zero Co”, Cebu City Ecopark, ug sa Department of Public Services ang pagpaglimpyo sa maong suba.
Ang maong bahin sa lapyahan sa dakbayan lakip sa gilimpyohan sa nakalabay’ ng City-wide Clean-up Challenge niadto lang Hunyo 22, o wala pay usa ka buwan.
Nakahipos sila sa dili mominos 200 ka sakong basura og nagkataas pa kini.
Natanyag ang maong kalihoka human ang usa ka langyaw nga vlogger nga si Mike Smith mihimo sa inisyatibo sa pangpanglimyo sa lugar og dala panghagit sa uban sa paglihok sa pagpanglimyo sa suba sa Pasil.
