Gipusil ang usa ka pulis sa iyang kaubang pulis sa Barangay Mactan, Lapu-lapu City, Cebu niadtong Lunes, Marso 23, 2026.
Giila ang biktima nga usa ka 40-anyos nga pulis ug miyembro sa Traffic Enforcement Unit sa Lapu-lapu City Police Office nga gikataho nga gipusil sa iyang kauban samtang nagmaneho sa iyang sakyanan sa usa ka pribadong menteryohan.
Sumala sa eksklusibong pakighianbi sa Bombo Radyo Cebu News Team kang Police Capt. Edcel Petecio, ang tigpamaba sa LCPO, nga wala pa silay kasayuran sa mga detalye sa mga samad sa biktima tungod kay wala siya gidala sa tambalanan.
Dugang niya nga nakakuha sila og walo ka empty cartridge cases gikan sa usa ka wala mailhing kalibre sa armas sa crime scene.
Natino sa pulisya nga ang biktima ug ang suspek nga ilang nadakpan sa akto parehong adunay ranggo nga Police Master Sergeant human kini misurender dayon kanila.
Ang suspek mag-atubang og mga kaso nga frustrated homicide ug attempted murder.
Sa pagkakaron, ang biktima gibutang sa restrictive custody ug gi-disarmahan samtang nagpadayon ang imbestigasyon.
