Sakyanan nga way drayber nga giharang sa kapulisan sa San Francisco

CEBU – Gikumpirmar sa San Francisco Police Department nga gipahunong sa mga opisyal ang sakyanan sa Richmond District sa dihang naobserbahan nga nagmaneho wala nagpasiga sa mga suga o headlights.

Makita sa video nga nakuha sa usa ka saksi nga niduol ang police officer sa sakyanan human kini gipara apan nakugang kini gumikan wala man kini driver.

Nailhan ang maong sakyanan nga usa ka taxi nga gipadagan sa Cruise, usa ka kompanya nga kadaghanan gipanag-iya sa General Motors.

Gibutyag sa kompanya nga nahibaw na ang San Francisco police kung unsaon pagdumala sa mga driverless cars.

Nagpahibaw usab kini nga gikontrolar na sa maintenance team ang sakyanan aron aron masulbad ang isyu sa headlight.