Cebu City-Tabang pinansyal ang syagit sa usa ka empleyado sa Metro Ayala Department Store human kini nga naapektuhan sa nahitabung sunog.
Matud ni Jovy Hueva usa ka sales lady sa maong mall nga grabe kini nga makaapekto sa iyang panginabuhi-an kay ang iyang pamilya nagsalig man kaniya.
Bisan paman ug mipasalig ang kadagkuan sa Metro nga ipangbalhin ang ilang mga empleyado sa nagkadaiyang branches, dili na siya maghuwat pa niini ug mangita nalang siya og lain nga trababo.
Gani, nabalaka usab siya karon kay nahabilin man ang iyang celphone sa iyang locker sa maong mall ug naapil kini og kasunog hayan wala na kini siyay mga kontak sa iyang mga kauban og kaparyentehan.
Gipa-ambit usab niya ang ilang kasinatian sa dihang nahitabo ang sunog kung diin nagpanic gyud sila kay nakabaho man sila og kuryente nga nasunog.Giingong ang uban nakasaka pa sa ilang mga locker ug nanguha sa ilang gamit apan siya ug ang lain niyang kauban nga bago lang mi-suweldo wala na nakakuha sa kwarta ug apil kini nga naugdaw.
Panawagan ni Hueva karon nga tagaan sila og bisan gamay lang nga pinansyal para sa ilang pagpangaply na usab ug lain nga trabaho sanglit malangay na siya kung maghuwat pa siya sa tanyag sa Metro tungod kay malangay na kay sigurado mang aduna paman kini proseso nga sundon.
