Wala damha ni Sam Milby nga mahimong emosyonal kini sa dihang gipangutana kabahin sa panagbuwag nila ni Miss Universe 2018 Catriona Gray.
Atol sa pagbisita niini sa programa ni Boy Abunda aron i-promote ang ilang salida sa iyang co-stars nga mag-asawang sila si Dennis Trillo ug Jennylyn Mercado kay wala nakaikyas ang mga pangutana kabahin sa kung gi-unsa niya pag-handle ang mga ‘breakups’.
Gawas kang Catriona kay nahimong ex-girlfriend usab ni Sam sila si actress-TV host Anne Curtis, model-TV host nga si Mari Jasmine, samtang adunay mutual understanding sila ni Toni Gonzaga.
Tubag sa aktor nga matag breakup niini adunay lain-laing sitwasyon apan, alang kaniya kay bisan unsang breakup kay dili sayon.
Ug ang nahitabong panagbuwag nila ni Catriona kay usa sa mga dili kayang hisgutan ni Sam tungod kay alang kaniya usa ka fairytale relationship ang anaa silang duha nga miabot sa higayon nga ang ‘engagement’ kay naguba ug ila kining gikatingad-an tungod kay nagtuo sila nga ‘almost perfect’ na ang tanan.
