Nabuak sa San Rafael, Bulacan og world record sa gidaghanon sa mga tawo nga nagsul-ob og angel costume.
Kini human ang kapin sa 2,000 ka mga tawo ang nagtapok sa Victory Coliseum sa San Rafael Government Center nga nagsul-ob og ‘angel costumes’.
Gilangkuban sa mga batan-on, opisyal sa barangay, senior citizens, ug mga estudyante diin nagsul-ob sila og puti nga mga bisti, mga pako, basi usab sa rekomendasyon sa Guinness.
Kini nga kalihokan kabahin sa pasalamat ug pasidungog sa lokal nga kagamhanan ngadto kang St. Raphael nga Arkanghel, ang patron niini.
Kabahin usab kini sa pagpaila sa lungsod sa Angel Festival nga ipahigayon matag Setyembre.
Ang adjudicator sa Guinness World Records nga si Kazuyoshi Kirimura maoy nangulo sa sertipikasyon sa bag-ong record, ug gitugyan dayon ang sertipikasyon ngadto sa lokal nga kagamhanan.
