Gibalibaran sa Sandiganbayan ang hangyo ni kanhi Senador Ramon “Bong” Revilla Jr. nga ibalhin kini gikan sa prisohan sa Quezon City ngadto sa Philippine National Police (PNP) Custodial Center sa Camp Crame.
Sa desisyon sa Third Division sa korte batok sa korapsyon, gibasura usab ang motion ni Revilla nga ibasura ang impormasyon ug ibalik ang kaso sa Office of the Ombudsman alang sa reinvestigation.
Uban sa pagbasura sa iyang petisyon, si Revilla magpabilin nga piniriso sa New Quezon City Jail Male Dormitory, diin tanggong usab ang iyang mga kaubang akusado.
Gidugang usab sa korte nga ang kanhi senador napakyas sa pagpakita og igong hinungdan aron ipasabut ang iyang hangyo alang sa pagbalhin sa kustodiya, hilabi na ang iyang mga alegasyon nga ang iyang kinabuhi nameligro o gitarget sulod sa prisohan.
Mahinumduman nga ang kaso naggikan sa reklamo sa gitangtang nga Public Works engineer nga si Henry Alcantara, kinsa nag-alegar nga si Revilla nakadawat og kickback gikan sa P92.8-milyon nga “ghost” flood control project sa Pandi, Bulacan.
