Gitataw ni Teody Navea, ang Secretary General sa Sanlakas Cebu, nga dili sila mo-uyon sa pamaagi ug pag-organisa karon sa Estados Unidos, may kalabotan na sa US-Israel attack ngadto sa Iran, ug usab mga apektadong nasud sa sulod sa Middle East.
Gidugang ni Navea nga ang rason nganung wala sila nahiuyon sa pag-organisa sa Estados Unidos sa kasamtangan, gumikan kay alang kanila, buot sa US nga ipasigarbo ang ilahang gahom nga gihuptan, ug ang interes niini tumong nga maoy mopatigbabaw.
Mao kini ang gikabutyag ni Navea atol sa ekslusibong pakighinabi sa Bombo Radyo Cebu newsteam kaniya, diin iyang gidugang ang nagpaluyong rason nganung gipakong sa Estados Unidos ang mga naasoyng nasud, gumikan kay dako kinig interes sa lana.
Samtang, subay sa halapad nga kagubot sa Middle Eastern Countries, alang kang Navea, dakong epekto kini sa implikasyon sa matag kaniadto nga hugpong nasud, gumikan sa mga posibilidad nga mag iya-iya kini sa dili madugay aron mobarug sa ilang kaugalingon panaw batok sa Estados Unidos.
