CEBU CITY- Daku ang posibilidad nga mutunga ang Santo Papa dinhi sa Pilipinas inig abot sa ika-500 katuig nga anibersaryo sa pag-abot sa imahe sa balaang bata nga si Sr. Sto. Niño dinhi sa Sugbo.
Gituhuan ni Dr. Rene Josef Bullecer,Human Life international advocate ug main anchor sa Bombo Radyo Cebu Holy Rosary nga aduna pa’y usa ug tunga sa tuig ang paabuton hayan daghan pa ang posibling mahitabo taliwa sa mga preparasyon.
Gipasabot ni Dr. Bullecer nga sa tibuok ‘Asia-Pacific countries’ ang Pilipinas lang ang baga ang kristyanismo hayan posibli nga hatagan kini ug importansya sa Vatican.
Gidugang pa niini nga ang imahe sa Balaang Bata ang pinaka-karaan nga ‘relics’ tibuok Asya kung diin hangtud karun ang giyukbu-an ug gi-ampoan sa mga katoliko.
Giklaro ni Dr. Bullecer nga lahi ang paghandom sa pag-abot sa Sto. Niño sa Sugbo ug ang pagka-kaplag sa imahe niini.
Abril 7, 2021 saulogon tibuok Pilipinas ang ika-500 katuig sukad naabot ang imahe sa Balaang Bata dinhi sa Sugbo human kini nga gidala ni Ferdinand Magellan.
