Mamahimong ibalhin ang government contractor nga si Sarah Discaya sa pasilidad sa detensyon sa National Bureau of Investigation (NBI) sa New Bilibid Prison, ilabi na sa Building 14 sa Maximum Security Compound sa Muntinlupa City.
Kini kung maaprobahan ang hangyo sa iyang kampo alang sa pagbalhin, sumala ni NBI Director Angelito Magno.
Ang pasilidad adunay 29 ka selda, matag usa adunay sukod nga 8 metro kwadrado, ug ma-access lamang gikan sa NBP main road duol sa Bureau of Corrections Museum.
Kahinumduman nga ang iyang kampo nagsang-at og mosyon aron ibutang siya sa kustodiya sa NBI, apan gikataho nga wala pa’y mando sa korte.
Ingon man nga gidakop si Discaya niadtong Disyembre 18 may kalambigitan sa giingong P96.5-milyon nga “ghost” flood control project sa Davao Occidental.
Ug kasamtangan kining natanggong uban sa walo sa iyang mga kauban, sa Lapu-Lapu City Jail sa Cebu tungod sa mga kaso sa graft ug malversation sa mga pondo sa publiko.
