SC, gisuportahan ang petisyon sa DOJ nga ibalhin ang hearing sa 2 ka kaso ni Pastor Quiboloy ngadto sa QC RTC

Gipaburan sa Korte Suprema ang petisyon nga gisang-at sa Department of Justice nga naghangyo nga ang hearing sa duha ka kaso ni Pastor Apollo Quiboloy nga gisang-at sa Davao RTC ibalhin ngadto sa Quezon City RTC.

Matod sa SC, nakakita silag mga rason nga tugotan ang pagbalhin sa venue aron malikayan ang interes sa publiko.

Makatabang usab kini sa mga testigo nga gawasnong makapadayag sa ilang mga testimonya batok sa Pastor ug sa ubang mga akusado.

Daghang mga kaso ang atubangon ni Quiboloy kalabot sa sexual abuse ug child abuse sa Davao City Regional Trial Court samtang nag-atubang usab siya og kasong qualified human trafficking nga gihusay sa Pasig City.

Ingon man nga hangtod karon padayon pa nga gipangita sa mga otoridad ang Pastor.