CENTRAL VISAYAS-Gihatagan og katungod ang mga ‘School heads’ sa tunghaan ang pagdesisyon sa pagsuspenso sa ‘in-person classes’ ug pagbalhin ngadto sa remote learning kon gikinahanglan, kini taliwala sa pagsaka sa temperatura ug heat index sa rehiyon.
Kini ang gitino ni Dr.Salustiano Jimenez, ang Regional Director sa Department of Education (DepEd) 7, atul sa pakighinabi sa Bombo News Team.
Dugang pa, nga ang desisyon managlahi, tungod ang pipila ka mga eskwelahan dili direktang maapektuhan sa grabe nga kainit, samtang ang uban nahimutang sa mga lugar nga direktang naladlad sa adlaw.
Gani, gitataw ni Jimenez nga ang mga school heads wala na magkinahanglan og approval sa pagsuspenso sa ‘in-person classes’ sa ilang tagsa-tagsa ka school division heads, apan kinahanglan lang nga pahibaw-on sila sa ilang desisyon.
Ingon man nga pipila ka mga dapit sa rehiyon nagpahamtang na og classes suspension nunot sa nagkagrabe nga kainit sama sa dakbayan sa Talisay, lungsod sa Minglanilla ug dakbayan sa Lapu-Lapu.
