Nakadawat og tawag ang Lapu-Lapu City DRRMO gikan sa National Disaster Risk Reduction Management Office pinaagi sa Office of the Civil Defense 7 gahapon diin nihangyo og SRR Team aron ipadala sa Bicol alang sa dinalian nga Search & Rescue Operations.
Matud ni Nagiel B. Bañacia, ang head sa Lapu-Lapu DRRMO nga gi-organisar dayon nila ang team ug daling giaprobahan ni Mayor Junard “Ahong” Chan ang misyon sa rehiyon sa Bicol.
Ingon man nga mipadayag og pasalamat si Mayor Chan sa sakripisyo ug nagpahimangno sa 6-man Rescue Team sa Lapulapu City Rescue nga mag-amping kanunay sa ipahigayon nga SAR operation sa mga biktima sa Bagyong Kristine.
Nigikan ang SAR team alas 6 sa buntag, Oktubre 24, 2024 sakat ang PAF C-130 padung sa Bicol Region.
Nasayran nga aduna na’y 3 ka personnel ang Lapu-Lapu nga nahabilin sa Sorsogon kay kabahin sa Lapulapu City contingent nga ni-apil sa Sorsogon festival sa miaging semana ug natanggong sa maong dapit.
Nagpasabot nga 9 ka personnel ang gikan sa Lapu-lapu nga moapil sa Rescue effort.
