Pormal nang gipresentar sa publiko ang Seawater Deslination Bulk Water Supply Project atol sa groundbreaking ceremony niini sa Barangay Punta Engaño sa dakbayan sa Lapu-Lapu karong adlaw sa Miyerkules, Septiyembre 18, 2024.
Ang maong proyekto adunay inisyal nga hugna nga maglakip sa pagkatukod og desalination plant ang adunay kapasidad sa 15 million liters per day sa planta sa Punta Engaño uban sa laing 500 cubic meters per day nga desalination facility sa isla sa Olango.
Ang maong proyekto usa ka joint venture project tali sa kagamhanang dakbayan sa Lapu-Lapu ug sa Summa Water Resources Inc.
Gitarget nga mahuman kini sa tuig 2025 diin ang proyekto sa dili madugay makahatag ug kasaligang suplay sa tubig sa mga residente sa Punta Engaño ug isla sa Olango, kinsa nakasinati sa kakulang sa suplay sa tubig sulod sa pipila na ka tuig.
