CEBU – Duha ka Tourist Rest Areas (TRAs) ang matukod sa amihanang Sugbo aron mapalambo ang kinatibuk-ang kasinatian sa lokal ug langyaw nga mga biyahedor.
Kini humam karung adlawa Sabado, Oktubre 8, 2022, gipangunahan ni Tourism Secretary Christina Garcia-Frasco ang groundbreaking sa mga TRA nga mahimutang sa lungsod sa Medellin ug Carmen.
Ang Department of Tourism nagplano nga adunay labing menos 10 ka mga TRA nga ipakatap sa mga estratehikong lokasyon sa Luzon, Visayas, ug Mindanao.
Kini nga mga TRA usa sa daghang mga pasilidad nga gitumong sa DOT nga matukod sa tibuok nasud, isip kabahin sa mga paningkamot niini aron mapausbaw ang industriya sa turismo sa nasud.
Nasayran nga ang TRA project usa sa mga flagship programs ni Frasco, nga nagpasiugda sa paghatag ug limpyo nga comfort rooms alang sa mga turista nga mobiyahe ngadto sa lain-laing destinasyon sa turismo sa nasud.
