CEBU CITY- Pinangunahan ni Tourism Secretary Maria Christina Frasco ang pagtatampok ng Pilipinas sa ASEAN Tourism Forum, na naglalayong palakasin ang matatag, inklusibo, at iba’t ibang anyo ng turismo sa bansa.
Binigyang-diin ni Frasco ang epekto ng mga kalamidad sa Cebu at kung paano pinapalakas ng gobyerno ang mga destinasyon sa pamamagitan ng eco-tourism, kasabay ng pagprotekta sa kabuhayan ng 16.4 milyong manggagawa sa sektor ng turismo.
Mahalaga rin ang skills training, kung saan mahigit 444,000 Pilipino ang sinanay noong 2022 sa tour guiding, hospitality, at iba pang serbisyong pang-turismo.
Ibinahagi rin niya ang mga hakbang para mapabuti ang konektividad sa rehiyon, kabilang ang visa-free travel mula India, China, at Taiwan, at bagong international flights papuntang ASEAN countries.
Sentro rin ng plano ang diversification sa turismo sa pamamagitan ng PHIL. Experience Program, na nagpo-promote ng kultura, kalikasan, at lokal na pagkain, habang sustainability ang gabay sa lahat ng proyekto sa turismo. | With reports of Bombo Crisle Adlawan
