CEBU – Gisiguro ni Cebu Provincial Police Office (CPPO) Director Police Colonel Engelbert Soriano, nga magpabiling “apolitical” ang iyahang mga sakop ug tutukan ang seguridad sa tanang mga lokal nga kandidato ug walay pili-on.
Matud pa, ang una gayud nila nga mandato ang paghatag ug seguridad nga pipila na ka semana nila nga gipangandaman.
Hinuon, sa pagkakarun wala pa sila’y nadawat nga guidance kung aduna ba’y idugang nga pwersa sa CPPO.
Samtang, giangkon ni Col. Soriano nga ilaha nang gilauman ang intense political party sa pipila ka lugar nga ilahang gitutokan, apan wala pa man sila’y nakita nga posibling kagubot sa maong mga areas nga init ang politika.
Gitataw usab sa police official nga ang Commission on Election (Comelec) lang ang mahimo nga maka-deklarar ug mga ‘election hotspot areas’ ug igo lang sa pagsumitir ang kapulisan sa ilahang report nga mao’y mahimong basihan sa Comelec.
