Gisiguro sa Cebu City Police Office (CCPO) ang kaluwasan alang sa tanang mga lokal ug langyaw nga mga bisita ning naghinangat nga kasaulugan sa Sinulog 2020.
Matud sa bag-ong police director nga si Colonel Engelbert Soriano nga usa sa ilang ipatuman mao ang signal shutoff diin masinati lang kini sa mga specific nga lugar ug sa gitakda nga oras.
Dugang pa niini nga mo-abag ang mga kasikbit nga City Police Stations sa Cebu alang sa ipatumang hugot nga seguridad.
Hangyo karon ni Soriano sa publiko nga magtinabangay ang tanan aron masiguro ang luwas nga pagsaulog sa fiesta ni Senior Sto. Niño.
Gihulagway sa bag-ong police director sa dakbayan sa Sugbo nga usa ka hagit ang ipatumang mga security measures sa Sinulog 2020.
Samtang tutukan usab ni Soriano ang pagkuyanap sa ilegal nga drugas sa dakbayan diin aduna silay gi-monitor nga pipila ka mga government officials.
