Dili makatuo si Senador Bong Go sa grabeng kadaot nga gibilin sa Bagyong Tino sa probinsya sa Cebu.
Nibisita ang senador sa Cebu human sa kusog nga linog sa rehiyon, apan sumala niya, ang bagyo nagbilin og mas grabe nga kadaot.
Atol sa pagbalik ni Senador Go, gibisita niya ang mga biktima sa kalamidad gikan sa lain-laing bahin sa probinsya aron mahibal-an ang ilang kahimtang ug mga panginahanglan, ug aron makahatag ug tabang.
Nanawagan ang senador sa gobyerno sa nasud nga gamiton ang tanan nga mga kahinguhaan aron mabalik sa normal ang kinabuhi sa mga biktima sa labing dali nga panahon.
Gisugat si Senador Go sa gatusan nga evacuees, kung diin,makita ang dakong panginahanglan alang sa husto ug luwas nga mga evacuation center.
Ang senador, kinsa mao usab ang Vice Chairman sa Senate Committee on Finance, nanawagan sa gobyerno nga sigurohon nga ang pondo sa katawhan mahatag sa mga proyekto nga tinuod nga mapuslanon, ug dili sa mga substandard nga flood control o ghost projects.
