Sen. Bong Go, una na nga gitangtangan ug escort kang VP Duterte

METRO MANILA-Gibutyag ni Senador Christopher ‘Bong’ Go nga gikuhaan siya sa iyang security details.

Matod sa senador nga nahitabo kini bisan sa wala pa matangtang ang seguridad sa kapulisan nga gidestino kang Bise Presidente Sara Duterte.

Gidugang niini nga mga tulo ka semana una nitumaw ang isyu sa pagpa-recall sa mga security personnel sa PNP nga nadestino sa Bise Presidente.

Gitataw niya nga wala siya mabalaka nga mawad-an og seguridad tungod kay naanad na siya nga mag-inusara.

Kahinumdoman nga gi-almahan sa Bise Presidente ang pagkatangtang sa iyang mga police escort ug gitawag kini nga matang sa ‘political harassment’.