-- ADVERTISEMENT --
Gipanghimakak ni Senador Imee Marcos ang ang mga pasangil nga nag-ingon nga siya ang nagpasiugda sa botohan sa Senado.
Sa usa ka pamahayag, gihimug-atan sa Senador nga iyang nasayran ang maong lakang sa ulahi ug nga ang tibuok Minority bloc sa Lower House makapamatuod niini.
Matud niini nga bisan dili siya kabahin sa Majority bloc, mapasalamaton kaayo siya kang Senate President Vicente Sotto III sa dihang gihatagan siya niini og chairmanship sa Senate Committee on Foreign Relations.
Giangkon usab sa Senador nga wala siyay gipaabot bisan gamayng bahin sa bisan unsang aksyon sulod sa Senado, tungod kay siya usa ka kritiko sa gobyerno ubos sa iyang igsoon, si Presidente Ferdinand Marcos Jr.
