METRO MANILA-Gibanhaw ni Senador Risa Hontiveros ang iyang panawagan nga ideklara ang Hulyo 12 isip West Philippine Sea (WPS) Victory Day aron sa paghandom sa makasaysayanong kadaugan sa Pilipinas batok sa China sa Permanent Court of Arbitration niadtong 2016.
Kahinumduman nga unang giduso sa senador sa Senate Resolution 674 niadtong miaging tuig kalabot sa iyang sugyot.
Matud pa ni Hontiveros nga angayan lang nga saulogon sa nasud ang WPS Victory Day kada tuig dili lamang sa paghandum sa kadaugan niadtong 2016, kon dili isip usa usab ka paagi sa pagpasiugda sa patas ug katungod nga pagpanag-iya sa West Philippine Sea.
Giinsister usab sa senador nga usa usab kini ka paagi aron mapakita sa China nga nagkahiusa ang Pilipinas sa pakigbisog alang sa soberanya.
Kung kahinumdoman nga ubos sa 2016 PCA ruling giingon nga ang “nine-dash line” claim sa China, diin ang mga maritime areas sakop sa WPS, sukwahi sa mga probisyon sa United Nations Convention on the Law of the Seas ( UNCLOS).
Gitataw ni Hontiveros nga kining maong kadaugan nagpakita sa tibuok kalibutan nga ang usa ka gamay nga nasud sama sa Pilipinas legal, malinawon, ug diplomatikong makabarog batok sa usa ka dako nga nasud sama sa China.
