CEBU CITY – Gipasalamatan ni Sen. Riza Hontiveros ang ilang kadaugan human sa pakigtambayong sa Local Government Unit (LGU) sa Bogo City aron nga ma-upgrade ngadto sa 200 bed capacity ang Cebu Provincial Hospital Bogo City.
Gihulagway sa senador nga bunga kini sa “genuine partnership” sa LGU ug kanila alang sa serbisyong medical sa 4rth district.
Kini nunot usab sa ilang nadawat nga letter of request gikan sa Capitolyo kung diin lakip si Sen. Bam Aquino ug Sen. Sonny Angara ang nakigbisog aron kini mapatuman.
Nasayran nga ang unang budget nila para niini mukabat lang sa 100 milyones ka pesos hayan midangop sila sa DPWH sa kauluhan para mapun-an kini og 230 milyon ug tood man wala sila napakyas.
Gihimug-atan ni Hontiveros nga tungod niining pag-upgrade sa Cebu Provincial Hospital sa siyudad sa Bogo mas daghan na ang matabangan dili lang ang 4 distrito apan lakip na ang kasikbit nga isla sa norte.
Sigon pa niini nga dili na unya magho-ot ang Vicente Sotto Hospital sanglit ngadto man dayon nila e-refer ang mga pasyente nga gikan sa Bogo apan karon mas makater na kini sa provincial hospital sa Bogo,City.
