Giinsister ni Senador Juan Miguel “Migz” Zubiri nga kinahanglang ipaubos sa drug test ang tanang mga senador ug ilang mga staffs aron mawala ang pagduda sa publiko nga dunay nagagamit sa ilegal nga drugas sa Senado.
Alang kang Zubiri, ang iyang hagit mao ang pagwagtang sa pagduda nga ang usa ka senador naggamit og ilegal nga drugas.
Gihimo kini sa magbabalaod human sa kontrobersiyal nga isyu nga dunay tiggamitan og drugas sa Senado.
Agig tubag, si Zubiri niingon nga nipaubos na siya sa drug test, dungan sa pagpasaka og resolusyon nga nag-awhag sa mandatory drug testing sa mga opisyal sa gobyerno.
Gikatakdang sa Lunes ipahigayon ang maong sugyot nga drug test sa Senado.
Gitataw sa senador nga kung gikinahanglan nga mopakita og negatibong resulta sa drug test ang mga aplikante sa mas ubos nga posisyon, mas angayan nga buhaton usab kini sa mga anaa sa taas nga posisyon sa gobyerno.
Nahimong init usab nga hisgutanan sa mga kawani sa Senado ang isyu sa druga tungod kay nagbuy-od ang pangalan sa kanhi artista nga kawani sa senador, tungod sa mga pagduda nga nigamit siya og marijuana sa comfort room sa Senado.
Nipadayag si Zubiri og suporta sa pag-alokar og pundo alang sa mga pampublikong tambalanan aron mapaspasan ang drug testing ug mapugngan ang mga private testing centers nga giingong sayon ra kaayong msuborno aron makagawas ang peke nga resulta.
