Gibulabog sa sunod-sunod sa buto sa armas ang sulod sa Senado human ang Korte Suprema napakyas sa pag-isyu og temporary restraining order (TRO), nga gipangayo ni Sen. Bato Dela Rosa taliwala sa warrant of arrest gikan sa International Criminal Court (ICC).
Diin pipila ka mga senate majority members ang natanggong nga sila si Senate Pres. Alan Peter Cayetano, Sen. Pia Cayetano, Sen. Imee Marcos, Sen. Rodante Marcoleta, Sen. Joel Villanueva, Sen. Mark Villar, ug Sen. Camille Villar gumikan nagpaabot sila sa pag-abot sa Articles of Impeachment.
Human sa nahitabong pagpamusil, nipagawas dayon og pamahayag si Presidente Ferdinand Marcos Jr. diin gipaambit niini ang hugot nga pagbantay ug pagklaro sa pipila ka mga hungihong sama sa giingong gimandoan sa gobyerno ang ahensya sa NBI sa pag-aresto kang Senador Ronald “Bato” dela Rosa.
Ang Presidente miingon nga diha-diha dayon niyang gikontak ang mga opisyal sa Philippine National Police ug sa ulahi nakigsulti kang National Bureau of Investigation Director Melvin Matibag aron mapamatud-an ang mga taho nga ang mga armadong personahe misulod sa lugar sa Senado.
Giklaro niini nga ang mga unipormadong personahe nga nakita sulod sa Senate complex mga regular nga security ug police personnel nga na-assign sa Senado, ingon man mga miyembro sa Senate Sergeant-at-Arms.
Busa, gipasalig sa Presidente sa publiko nga ang gobyerno wala’y labot sa kagubot inay nanawagan alang sa kalinaw samtang ang mga awtoridad nagpahigayon og mga imbestigasyon nga susama niini.
