METRO MANILA-Nisugyot si Senador Robinhood Padilla nga mo-resign si Senate Majority Leader Francis Tolentino isip Bise Presidente sa Luzon ug sakop sa Partido Demokratiko Pilipino (PDP).
Matod ni Padilla, kini aron makatutok siya sa bug-at niyang dugang katungdanan isip Senate Majority Leader.
Si Padilla, ang bag-ong PDP president, niinsistir nga bug-os ang iyang pagsalig sa kwalipikasyon ug kasinatian ni Tolentino aron mahimong importanteng bahin sa liderato sa Senado.
Sa pagkakaron, si Tolentino maoy bise presidente sa PDP alang sa Luzon.
Samtang si Padilla nanumpa karong semanaha isip bag-ong presidente sa partido.
Matod ni Padilla, ang pag-resign ni Tolentino makatabang usab sa partido sa pagpakita sa ilang kagawasan.
Subay niini mi-bwelta si Senador Tolentino sa usa ka pahayag diin iyang giingon nga karong panahona dili angayan nga hisgutan ang politika.
Matod niya nga mas maayo nga magtinabangay aron mapadali ang rehabilitasyon sa mga Pinoy nga naapektuhan sa bagyong Carina.
