Mokabat sa dul-an P245 milyones ang net worth o total wealth ni Senate President Pro Tempore Ping Lacson karong tuiga.
Basi sa iyang gipagawas nga net worth, niabot og P244,940,509.60 ang kinatibuk-ang bahandi ni Lacson niadtong Hunyo 30, 2025 dihang nibalik siya sa Senado – layo ra kaayo sa P58,771,409.62 niadtong Hunyo 30, 2022 dihang nibiya siya sa Senado isip senador.
Matod sa senador nga ang pag-usbaw sa iyang bahandi tungod sa lehitimo ug malampusong real estate ug trading business nga iyang gisudlan sa duha ka business partner human siya temporaryong miretiro sa politika niadtong 2022.
Ingon man nga basi usab sa iyang Income Tax Return (ITR), nibayad siya og P4,817,265 sa taxable year 2021, ug P11,834,033.37 alang sa taxable year 2024, usa ka timailhan sa dakong pagsaka sa iyang kita sa milabay nga tulo ka tuig.
Nipasalig usab si Lacson nga mohatag siya og dugang detalye kalabot sa iyang 2025 SALN, apil na ang ITRs alang sa 2023 ug 2024, kon makompleto na ang mga dokumento.
