Gipasusi ni Senate Committee on Public Services Chairperson Senador Grace Poe ang epekto sa PUV Modernization Program (PUVMP) karong nahuman na ang deadline sa pagkonsolida sa mga jeepney.
Matod ni Poe, kinahanglang mangandam ang mga opisyal sa transportasyon sa pag-imbestigar sa epekto sa jeepney modernization program lakip na ang paggamit sa P200 milyones nga pundo alang sa livelihood assistance sa mga drayber.
Dugang niini nga ang deadline sa konsolidasyon dili mao ang katapusan sa pagpasa sa mga reklamo bahin sa modernisasyon sa jeepney.
Gitataw sa senador nga ang Upper House mao’y mag-monitor sa pagpatuman sa PUVMP.
Gipasa usab sa senador ang komprehensibong datos sa Department of Transportation (DOTr) sa estado ug giusab nga timeline sa PUV modernization program, ug updated statistics sa consolidation sa mga jeep diin gidaghanon sa mga rota nga giserbisyuhan, apektadong mga rota ug contingency plans.
Gusto usab nga masayran ni Poe ang plano sa ahensya alang sa mga drayber nga mawad-an og trabaho ug ang kahimtang sa pagpatuman sa Entrepreneur ug Tsuper Scholar Programs, ug ang paggamit sa pundo sa nangaging mga training programs alang sa mga drayber.
