Gipahibalo ni Senador Robin Padilla nga ang minority bloc sa Senado mosupak sa pagtigom sa impeachment court kon ang House of Representatives mosumiter og mga artikulo sa impeachment batok kang Bise Presidente Sara Duterte.
Gidepensahan sa Senador nga kabahin kini sa katungdanan sa minorya nga mosupak subay sa pamaagi sa parlamento, bisan pa man nga ang mga Senador nanumpa isip mga huwes.
Dugang niya nga nangandam usab siya kon molingkod siya isip senator-judge.
Samtang, si Senador Jinggoy Estrada supak usab sa impeachment tungod sa daghang problema sa nasud, apan iyang giinsistir nga ibase gihapon niya ang proseso sa ebidensya.
Sumala ni Senate President Vicente Sotto III, ang impeachment court mahimong itigom kon madawat ang mga artikulo sa impeachment, apan ang trial mismo ipahigayon gihapon sa angay nga oras subay sa Konstitusyon.
Ug nipasalig nga andam ang Senado nga magtigom isip impeachment court kon ang House of Representatives sa Pilipinas magpadala sa Articles of Impeachment batok kang Sara Duterte.
Giklaro sa Senate President nga ang Senado mahimong magtigom dayon usa ka adlaw human madawat ang mga dokumento, sumala sa gilatid sa Konstitusyon. Apan, ang husay mismo dili dayon magsugod.
Gipasabot niya nga adunay mga kinahanglanon nga pagpangandam ug proseso sa dili pa hingpit nga makapadayon ang pagdungog, lakip na ang pag-organisar sa impeachment court ug ang paglatid sa mga lagda sa hearing.
