CEBU CITY-Nipasalig si Senador JV Ejercito sa kapin 9000 ka mga Barangay Health Workers (BHW) sa Probinsiya sa Sugbo nga mapasar ang gisugyot nga Magna Carta for Barangay Health Workers (BHW) sa ika-19 nga Kongreso atol sa kasaulogan sa anibersaryo sa BHW sa IC3 Convention Center kagahapong adlawa, Biyernes, Oktubre 6 , 2023.
Gihatagan niya og gibug-aton nga ang mga trabahante sa BHW mga foot soldiers sa gobyerno sa paghatag og batakang serbisyo sa panglawas sa matag Pilipino apan kulang sila sa sweldo ug sobra ang workload.
Subay sa maong balita, mokabat sa 9,000 ka mga Barangay Health Workers (BHW) gikan sa mga lungsod ug siyudad sa Sugbo ang mitambong sa general assembly sa IC3 Convention Center kagahapong adlawa.
Gawas sa BHW Congress, nagtapok usab sila aron sa pagsaulog sa ilang ika-15 nga Anibersaryo nga adunay tema: “Barangay Health Workers, A Partner of the Community, a guide for Humanity towards. a health and prosperous Society.”
Nitambong usab sa maong kalihukan sila si Senador Bong Go, ingon man si Cebu Provincial Governor Gwendolyn Garcia.
